Afrika Boroa e lelekisa le ho hlola papadi
Sehlopha sa basadi papading ya krikete, se etsa nalane ka ho lelekisa papadi kgahlano le India le ho e hlola ka bokgabane.
Di’Proteas tsa basadi, dihlotse India ka wicket tse tharo papading eo tshepo e neng e fokola hore baka e hlola.
Sehlopha se qadileng ka monyebe ka bolo ka letsohong moo ba sokotseng ho ketola dibapadi.
Hang haba fumaneng morethetho, sehlopha se ikabile ka dibapadi tsa India moo boholo bo ketotseng dibapadi tse pedi kang le ho ntsha India e dutse ho 251.
Di’Proteas dibile tlasa kgatello hadi lelekisa mokolokotwane wa mematho e 251 ya India ka mora ho lahlehelwa ke Tazmin Brits (0) papadi e qeta ho qala.
Mokaptene wa sehlopha Laura Wolvaardt, o e hlanakile sesadi ka mora ho etsa mematho e 70 pele a ketolwa.
Chloe Tyron (49) le Nadine De Klerk ya entseng mematho e 84 le ho qeta papadi a satswa, ba thusitse sehlopha ho hlola papadie neng e le thata kgahlano le sehlopha se matla.
De Klerk, e bile yena sebapadi sa letsatsi ka mora papadi e ntle ka bolo le molangwana (bat). Sebapadi sena se ketotse dibapadi tse pedi le ho etsa mematho e 84* ho thusa sehlopha ho hapa papadi.
Afrika Boroa e dutse boemong ba bone ka mora dipapadi tse tharo mme ba hlotswe ho e le nngwe le ho hlola tse pedi.
Papadi ya bona e lateng e tlaba kgahlano le naha ya Bangladesh ka la 13 Mphalane mme e tla qala ka 11:30.
