Afrika Boroa haya tsamaya hantle dikgaung tsa Afrika

Dibapadi tsa Afrika Boroa tse neng dithontswe dikgaung tse nkileng sebaka bosiu ba labobedi toropong ya Rabat Morroco, ha diya hapa letho jwalo ka ha dibapadi tsa Morroco diipapotse ka makgabane.

Afrika Boroa, e ne e na le bathongwa ba bararo dikgaung tse fapaneng le sehlopha se le seleng bakeng sa kgau ya sehlopha sa selemo.

Ronwen Williams, o hlotswe ke ho wireless kgau ya hae ya sethibathibane sa selemo mme selemong sena e lebile ho Yassine Bounou wa Al Hilal le Morocco.

Tylon Smith ya neng a thontswe bakeng sa kgau ya sebapadi se senyenyane sa selemo, o hlotswe ke Othmane Maamma wa Watford le Morocco.

Andile Dlamini eo le yena e leng sethibathibane sa naha le Mamelodi Sundowns, o hlotswe ke Chiamaka Nnadozie wa Brighton & Hove Albion le Nigeria.

Sundowns e bileng le bathongwa ba babedi e bile e le dithibathibane, le yona e hlotswe ke ho hapa kgau ya sehlopha sa selemo mmme yona e hapuwe ke Pyramids FC e hlotseng Sundowns ho makgaolakgang a CAF Champions League.

DiKgau tse ding tse neng dishejowe ka mahlo a makgubedu ke ya sebapadi sa selemo se bapalang kontinenteng le sa selemo sa Afrika.

Kgau ya sebapadi sa selemo (Inter-Club) e hapuwe ke Fiston Mayele wa Pyramids FC le DR Congo. Kgau ya sebapadi da selemo sa Afrika, e hapuwe ke Achraf Hakimi Paris Saint-Germain le Morocco.

BALA HAPE: Dibapadi tsa Afrika Boroa dithongwa dikgaung tsa Afrika