Bakwetlisi ba mehleng ba Chiefs ba thulana sa dipheleu papading ya pele

Bakwetlisi ba mehleng ba Kaizer Chiefs Khalil Ben Youssef le Cedric Kaze, batla thulana sa dipheleu papading e bulang sehla ka dihlopha tsa bona.

Bobedi bona bo nkile tsela tse fapaneng ka mora karohano ya bona le Chiefs moo Ben Youssef a kwetlisang Durban City ha Kaze a kwetlisa Sekhukhune.

Ben Youssef le Kaze e bile karolo ya Chiefs bakeng sa dihla tse pedi moo sehleng sa pele ba sebeditseng tlasa Nasreddine Nabi mme sehleng sa bobedi ba tshwara marapo a bokwetlisi.

Bobedi bona e bile karolo ya sehlopha se qetang lenyora la Chiefs la mohope mme ba boela ba thusa sehlopha ho qeta se dutse boemong ba boraro sehleng se fitileng.

Papadi ya Durban City le Sekhukhune, e tla bapala ka la pele Phato [01 August] mme e tla thakgoha ka 18:00 thapama.

BALA: Chiefs e leba Spain ntle le Cele eo bokamoso ba hae bo leng qoleng ya kobo