Manenzhe: Vilakazi ke sebapadi se tlisang phetoho papading
Mohlophulli wa papadi ya bolo ho SuperSport Phumudzo Manenzhe o botsitse ka hose fumane metsotso e lekaneng ha sebapadi sebang le seabo se eholo papading nako le nako ha a fumane monyetle.
Manenzhe o hlalositse ha a rata Vilakazi le boiteko ba hae ba ho thusa sehlopha ho sebetsa hantle le ho fetola papadi.
Sebapadi sena sa mehleng sa Orlando Pirates se botsitse sena ka mora hore Mfundo Vilakazi a kene a hlaha bankeng ka sontaha le ho thusa Kaizer Chiefs ho fumana ntlha ka Makabi Lilepo ho hlola Durban City.
“Ke rata lekejakejane lena, Vilakazi. Nako le nako ha ele ka lebaleng, o leka ho thusa sehlopha mme o leka ho tlisa phethoho,” ho realo Manenzhe.
“Hake tsebe ke eng e phoso. Ke maemo? Ke qeto ya bakwetlisi ho se mofe metsotso e lekaneng?”
Le ha hole jwalo, Manenzhe ha qhelela ka thoko seabo sa Lelipo eo e bileng yane a hlaba ntlha. Manenzhe o hlalisotse ha Lelipo e le sebapadi se kgonang ho bala papadi le ho tlisa phetoho.
“Le Lelipo ke sebapadi se hantle tlhaselong. Bolo e le nngwe e mofa matla le masene mme ke motho ya hlabang dintlha tse ntle.”
“Empa le Vilakazi o fetotse papadi.”
Ha jwale Chiefs e dutse boemong ba bohlano ka dipapadi tse pedi ka letsohong. e bang baka hapa dipapading tseo, ba ka kgona ho dula boemong ba boraro ka dintlha tse 39 ka mora dipapadi tse 19.
BALA HAPE: Kgonahalo e kgolo ya Nkota ho arohana le Al Ettifaq
