Yanga e hlwaya mo’Afrika Boroa jwalo ka mokwetlisi wa bona

Sehlopha sa Tanzania se hafang ka nkatana sa Young Africans e tsejwang ka Yanga, e hlwaile mokwetlisi wa mehleng wa Mamelodi Sundowns le Golden Arrows.

Yanga, e tsibisitse ha e hlwaile Manqoba Mngqithi hoba mokwetlisi wa bona ya motjha ya tla kwetlisa sehlopha sehleng setlang sa dipapadi.

Mngqithi, e ba mokwetlisi wa bobedi wa Africa Boroa ka hara Tanzania ka mora hore Steve Barker ya neng a kwetlisa Stellenbosch, a lebe sehlopheng sa Simba sehleng se fitileng.

Africa Boroa le Tanzania, dibonahala diqala hoba le maqhama a matle jwalo ka ha dibapadi le bakwetlisi ba kgona ho fapanyetsana dilemong tsa moraorao.

Mngqithi o tla tobana le mosebetsi o moholo jwalo ka ha sehlopha seo a tla sekwetlisa setla bapala dipapadi tsa CAF Champions League ka mora ho hapa sehla.

BALA: Bakwetlisi ba mehleng ba Chiefs ba thulana sa dipheleu papading ya pele