Ben Youssef o babatsa dibapadi le ho lla ka mokgathala
Ka mora ho hlola ZESCO United leotong la bobedi ka 1 – 0, mokwetlisi wa Kaizer Chiefs Khalil Ben Youssef, o babaditse moya wa ntwa dibapading tsa hae.
Chiefs e hlotse ZESCO papading ya maoto a mabedi ho ikgapela dintlha tse tsheletseng le ho dula boemong ba bobedi sehlotshwaneng sa D ka dintlha supileng.
Ntlha ya Amakhosi, e kene karolong ya pele ya papading ka Macabi Lilepo ya hlabileng ntlha ya bobedi ka tatellano diapapding tse pedi matsatsing a mane.
Ben Youssef, o hlalositse ha dibapadi disebeditse hantle ho laola papadi le ha pheletsong ya yona hone ho bonahala mokgathala.
“Ke nahana ha re lokela ho theoletsa dibapadi. Re dula re bapala CAF le ho bapala ka mora matsatsi a mabedi,” ho realo Ben Youssef.
“Re buile pele ho papadi hore retla hloka dibapadi tsa rona kaofela ho hapa papadi. Ke theoletsa dibapadi, moifo ohle wa bokwetlisi ka mosebetsi o motle oo ba o etsang.”
Khalil Ben Youssef o phethetse ka ho hlalosa ha hose bobebe ho laola papadi empa hao bapala ka pelo hose motho ya ka o thibelang ho hapa papadi.
Chiefs e setse ka dipapadi tse pedi ho CAF le dihlopha tsa Egypt mme e nngwe ya dipapadi tse e tla bapalla ka hare ho naha ha e nngwe e tla bapalla Egypt.
Ka laboraro Amakhosi batla etela Stellenborch se hulang ka tlhako tsa morao e le papadi ya Nedbank Cup.
Sontaha sa la 08 Hlakola, batla amohela Al Masry kwano Afrika Boroa e le leoto la bobedi mme batla lokela ho hapa papadi eo hoba monyetleng wa ho fetela mohatong o lateng.
