Sekepe sa Marumo Gallants se qala ho teba
Mathata a sehlopha sa Marumo Gallants a tswelapele ho hlwa mekwalaba karolong ena ya bobedi ya sehla.
Gallants e hlotswe ke Amazulu ka 1 – 0 papading e bapalletseng lebaleng la Dr Ratlai Molemela ka moqebelo thapama.
Bahlabani ba ntwa, base ba bapetse dipapadi tse tsheletseng kaofela ntle le ho hlola mme ba lahlehetse dipapading tse tharo ka tatellano.
Sehlopha sena sa Bloemfontein, se qetetse ho latswa tlholo ka kgwedi ya Pudungwa selemo se fitileng e le papadi ya Carling Knockout hane ba hlola Golden Arrows ka [2 (4 – 2) 2] thahong ya mekoko.
Lekgetlo la ho qetela e hlola paladi ho Betway Premiership, ke ka kgwedi ya Mphalane ha sehlopha sene se hlola Chippa United (1 – 0).
Ka kakaretso sehlopha se bapetse dipapadi tse 17 ho Betway, se hapile dipapadi tse tharo fela mme sa bapala maleka ho tse tsheletseng le ho lahlehelwa dipapading tse robedi.
Gallents e dutse boemong ba 13 mme ba kgonne ho bokeletsa dintlha tse 15, e leng dintlha tse nne ka hodima sehlopha se tlase tlase sa Magesi FC.
Sehlopha sena se fihleletse makgaolakgang a Carling Knockout, se qeta ho lahlehelwa ke dibapadi tse pedi tsa mantlha (Daniel Msendami le Mpho Chabatsane) ba lebileng ho Orlando Pirates e ba hlotseng ho makgaolakgang.
Papading e latelang ke moo Gallants e tla botsana dipotso le sehlopha sa TS Galaxy mohopeng wa Nedbank. Papadi ena e tla bapala ka la 08 Hlakola lebaleng la Solomon Mahlangu mme e tla thakgoha ka 18:00 thapama.
BALA HAPE: Kaze o ntsha lenane la dibapadi tse kantle ka dikotsi
