Broos o phatlalatsa sehlopha le ho hlalosa taba ya Lorch
Mokwetlisi was sehlopha sa naha Hugo Broos, o phatlalatsa sehlopha sa dibapadi tse 23 tse tla bapala kgahlano le naha ya Zambia papading ya setswalle.
Afrika Boroa, e tla amohela Zambia bekeng e tlang ka la 15 Pudungwane lebaleng la Nelson Mandela, Gqeberha.
Bafana Bafana ba dutseng dipapading tse 24 baso hlolwe, batla teyanya thebe le Chipolopolo e le ho itukisetsa dipapadi tsa AFCON tse tla tshwara kgwedi e tlang naheng ya Morocco.
Broos, o fokoditse lenane ho tloha ho 43 ho isa ho 23 mme a hlalosa ha a batla ho sheba tse ding tsa dibapadi pele AFCON e thakgoha.
Mokwetlisi enwa wa naha, o arabile potso e melomong ya batho ba bangata haholo jwang ka mora ho phatlalatsa sehlopha le ho siya se seng sa dibapadi tseo ho buang haholo ka tsona e leng Thembinkosi Lorch.
Broos o hlalositse ha Lorch e kile yaba karolo ya sehlopha mme a se kgotsofatse, a leba ho Sundowns moo a sa bapalang le ha ha jwale a tswile tjaro ya mabonwa naheng ya Morocco.
“Lorch o bile le rona dilemo tse pedi tse fitileng empa, o ne a bapala hantle ho Pirates empa a sa bapale hantle ho rona,” ho realo Broos.
“O bapala hantle Morocco empa dilemo tsa hae, hase bokamoso. Ke kopa tshwarelo empa hase bokamoso.”
Broos o tsitlaletse tabeng ya dibapadi tse tlase dilemong ho aha sehlophang bakeng sa mehope e meng e lateng.
Difahleho tse ntjha sehlopheng ke Masindi Nemtajela, Keletso Makgalwa eo e le kgale a motlodisa mahlo.
Bafana Bafana batla nkana le Zambia kala 15 Pudungwane lebaleng la Nelson Mandela ka hora ya botshelela thapama.
Bala tse ding ka Bafana Bafana:
