De Kock o etsa nalane ka molangwana wa Brevis
Ka mora ho etsa mematho e 115 papading ya bobedi ya T20 kgahlano le West Indies, Quinton de Kock o hlalositse ha a e ntse nalane ena a sebedisa molangwna (bat) ya sebapadi mmoho.
De Kock o thusitse Afrika Boroa ho hlola West Indies le ho hlola letoto ka wicket tse 7 le ha ho setse papadi ya ho qetela e tla bapala ka moqebelo (31 Pherekgong).
De Kock o sebedisitse molangwana wa Dewald Brevis ka ha o ne a lebetse melangwana ya hae lapeng mme yaba seo eba lehlohonolo la letsatsi leo jwalo ka ha de Kock a e ntse lekgolo la hae la bobedi kgahlano le West Indies lebaleng la Centurion.
“Molangwana oo e ne e le wa Brevis, mme o kgutlela ho monga ona. Kene ke sa tshwara melangwana yaka mme ka kopa ho sebedisa wa hae mme a sebe le bothata kaha e le molangwana wa letsoho la leqele (left handed),” ho realo de Kock.
De Kock o hlalositse ha a sa natefelwa ke ho sebedisa molangwana ona ho latela sekgahla seo dibapadi tse tlase dilemo di otlang ka sona.
“E bang melangwana ya ka e ka fihla pele ho papadi e latelang, ketla sebedisa melangwana ya ka mme oo otla kgutlela ho Brevis.
Ha a botswa ka ketsahalo ena, Brevis o hlalositse ha a bile motlotlo hore de Kock o etsa nalane ka molangwana wa hae.
Ke molangwana o hantle bakeng sa motho ya sebedisang letsoho la leqele mme Quinny o bontshitse seo. Ke nahana ho tlohela ho o sebedisa (frame it) empa ha ke tsebe ketla bona,” ho realo Brevis.
Afrika Boroa e tla nkana le West Indies papading ya ho qetela ka moqebelo e le ya tshehetso ya Cancer (Pink Day). papadi ena e tla thakgoha ka 18:00 lebaleng la Wanderers.
BALA HAPE: Afrika Boroa e hapa letoto ka papadi ka letsohong
