CAF e fana ka kahlolo nyeweng ya Pirates le Lupopo

Mokgatlo o tsamaisang papadi ya bolo kontinenteng wa CAF, o fanne ka kahlolo nyeweng e amang sehlopha sa Orlando Pirates le St Eloi Lupopo ya DRC.

CAF e qeteletse ka thoko tletlebo eo Pirates e neng e e hlahletse kgahlano le mokwetlisi wa Lupopo Guy Bukasa ya hore o ne a sa lokela hoba bakeng ka nako eo Lupopo e neng e bapala le Pirates.

Kahlolo ya CAF, e hlalositse ha Lupopo e tla tswelapele ka hoba karolo ya CAF Champions League le ho itukisetsa papading ya mafelo a beke ntle le tshitiso.

CAF e hlalositse ha tseko tsa Pirates ka mokwetlisi Bukasa le sebapadi seo ba neng ba dumela se sa lokela ho bapala, dihloka motheo le ho hlalosa ha Lupopo e latetse metjha yohle e nepahetseng.

Pirates e neng e batla Lupopo e fuwe kotlo, ke yona e fumaneng kotlo ka mora hore Lupopo e tletlebe ka hore Pirates e ile ya hana ka makeno ho tse ding tsa dibaka (denying access to required accreditations).

‘The Buccaneers’, ba fuwe kotlo ya tjhelete e kalo ka $5 000 (R86 000) le $20 000 (R344 000) bakeng sa menyenyetsi ya go nyanyatsa ho hong diphaphusing tsa baeting tsa ho hlobolela.

Lupopo, e tla etela Afrika Boroa mafelo a beke bakeng sa papadi kgahlano le Mamelodi Sundowns.

Papadi ena e tla bapala ka moqebelo thapama lebaleng la Loftus Versfeld mme yona e tla thakgoha ka 15:00.

BALA HAPE: Pirates e hlahlela tletlebo ho CAF kgahlano le Guy Bukasa