Chiefs e qala moo e qetetseng pele ho kgefutso ya AFCON
Sehlopha sa Kaizer Chiefs, se qadile moo se qetetse ha sene se hlola sa Golden Arrows ka 1 – 0 papading e bapalletseng lebaleng la FNB.
Chiefs e bonahala e tsohile molata sehleng sena ka ho hlola dipapadi le ho lwanela boemo bo hodimo tafoleng ya dihlopha.
Papadi e qadile ka dihlopha bobedi diphepetsana empa Chiefs e le yona e ka hodimo ho Arrows.
Metsotso e tsheletseng pele papadi e leba kgefutsong, ke ha Chiefs e fumana ntlha eo e bileng yona phapang ya papadi le ho ba hapela dintlha tse tharo.
Ntlha ya Chiefs, e kene ka sebapadi sa morao Aiden McCarthy e le bolo e koropeditsweng ka mora hore Pule Mmodi a bapalwe hampe.
Amakhosi, ba kene papading ena ka nalane e ntle ya ho lahlehelwa papading e le nngwe fela dipapading tse hlano tsa ho qetela mme e le papadi ya CAF Confederation kgahlano le Al Masry.
Lekgetlo la ho qetela Chiefs e hlolwa dipapading tsa Betway Premiership, ke ka kgwedi ya Lwetse selemo se fitileng mme ba hlolwa lekgetlo la pele sehleng sena.
Chiefs ke sehlopha sa bobedi ka mora Orlando Pirates se hlajoweng dintlha tse tlase ka ho fitisisa mme ke sona se nang le dipapadi tse ngata basa hlajwa ntlha (10 clean sheets) ho Betway Premiership.
Sehlopha se dutse boemong ba boraro ka dintlha tse 27 ka mora dipapadi tse 14 mme seka tlasa Mamelodi Sundowns le Orlando tse pele ka ntlha sehlopha kang.
Ka moqebelo Chiefs e tla fetola mawa le ho tsepamisa maikutlo papading ya kontinente kgahlano le sehlopha sa ZESCO United ya Zambia.
