Durban City le Sundowns di hlolana ka puo thekisong ya sebapadi

Sehlopha se hapileng mohope wa Nedbank le se monyetleng wa ho hapa Champions League le Betway Premiership, di hlotswe ke ho fihlella tumellano ka sebapadi sa lebota la morao Terrence Mashego.

Ho ya ka Mazola Molefe, Durban City e bontshitse kgahleho ditshebeletsong tsa Mashego eo a leng ho bona ka kadimo ho tswa ho Sundowns.

Mashego o bapetse karolo kgolo ho thuseng City ho hlola mohope wa Nedbank le dipapading tse ding tsa sehla ka mora hore Sundowns e nke qeto ya ho kadimana ka yena hore a fumane monyetla wa ho bapala.

BALA: Nurkovic o tla hloka sehlopha ha sehla se fihla pheletsong

Le ha hole jwalo, ditherisano di kgihlile lejwe jwalo ka ha City e ne e batla hore sebapadi sena sa mehleng sa Cape Town City e be karolo ya bona.

Ho utlwahala ha bothata e bile tjhelete eo City e neng e ikemiseditse ho e lefa papisong le eo Sundowns e e batlang bakeng sa sebapadi sena.

Ka lebaka la seo, Mashego o tla kgutlela ho Sundowns sehleng setlang moo a tla lo lwanela sebaka le dibapadi tse ding ho kenyeletsa Aubrey Modiba.

BALA: Chippa tla e hlwaya mokwetlisi ho setse papadi e le nngwe