Chippa tla e hlwaya mokwetlisi ho setse papadi e le nngwe

Sehlopha se nyaola kgafetsa sa Chippa United se makgatheng a ho hlwaya mokwetlisi ya tla qetela sehla le sehlopha.

Chippa, e haufi haholo le ho hlwaya Brandon Truter ho qetela sehla le sehlopha ka mora ho bontsha Vusumuzi Vilakazi lemati ho setse dipapadi tse mmalwa.

BALA: Mokwena le sehlopha batswa ka ntshwe di sa fohlwa ka lebaleng

Kemedi ena ya Eastern Cape, e kgonne ho phema ho rengwa ke selepe mafelong a fitileng a beke le ha e lahlehetswe ke papadi ka 2 – 0 kgahlano le Golden Arrows.

Tebello ke hore Truter o tshwara marapo papading ya ho qetela ha sehlopha se amohela Kaizer Chiefs ka moqebelo le ho qala sehla le sehlopha e bang a ke ke a nyaolwa pele a tlwaela makgulo.

BALA: Nurkovic o tla hloka sehlopha ha sehla se fihla pheletsong