Dihlopha tse kgolo tsa Gauteng di-mehlaleng ya Sebapadi sa Golden Arrows

Dihlopha tse pedi tse kgolo tsa Gauteng, ditlalehwe dithintse mahlo dinameng e le ha ba shebile sebapadi se ntseng setla se thuthuha sa Golden Arrows.

Hoya ka lehlokwana la tsela, Kaizer Chiefs le Orlando Pirates, dimehlameleng ya sebapadi se seng hape sa Arrows ka mora hore pejana ho utlwahale ha bobedi dibatla Siyanda Ndlovu eo ha jwale ho sa thotseng ka yena.

Lekgetlong lena Chiefs le Pirates dishebile Ayabulela Maxwele ya ntseng a tswele pele ho ingola ka ditlhaka tsa mollo ho Betway Premiership.

BALA: TS Galaxy e ntsha Mamelodi Sundowns mejo ka hanong

Maxwele ke sebapadi sa bohareng ba lebala se sebedisang leoto le letona mme ka nako tse ding o bapala jwalo ka sebapadi se hlaselang ho hlaha ka lehlakoreng le letona [Right Wing].

Ha jwale haho netefaletso ya letho hotswa dihlopheng le ho sebapadi.

Arrows e tla nkana le Chippa ka moqebelo jwalo ka ha ba lwanela ho qeta sehla ba dutse dihlopheng tse robedi tse ka hodimo.

BALA: Motsepe o dumela ha dihlopha diphahamisitse maemo ho thatafaletsa Sundowns bophelo