Hope FC e fumana dibapadi tse pedi tsa Chiefs ka kadimo

Sehlopha sa Hope FC se hapile playoffs tsa ho nyolohela ho Motsepe Foundation Championship, se fumana dipapadi tse pedi tsa Kaizer Chiefs.

Hope, e phatlaladitse ha e tekenne Samkelo Zwane le Bontle Molefe ka kadimo ya sehla kaofela hotswa ho Chiefs.

Bobedi bona ke dipapadi tsa ntshetso pele ya Chiefs le ha ba hlokile monyetla sehlopheng se seholo.

BALA: Senegal e hlwaya sebapadi sa mehleng sa France hoba mokwetlisi

Zwane o qetile sehla se fitileng a le sehlopheng sa Siwelele ka kadimo moo le teng a sa fumanang monyetla o mokalo wa ho bapala.

Sehlopha sena se bontshitse maikemisetso ka mora ho tekena mabitso a tsebahalang sedikadikweng sa papadi ya bolo Afrika Borwa.

Sebapadi sa mehleng sa Orlando Pirates Miguel Timm, Ruzaigh Gamildien le Craig Martin ke karolo ya sehlopha sena sa sebapadi sa mehleng sa Kaizer Chiefs.

BALA: Gustavo Poyet o amahangwa le mosebetsi wa ho kwetlisa Bafana Bafana