Hope FC e hapa ABC Motsepe Playoffs ka sehla sa pele
Sehlopha sa sebapadi sa mehleng sa Kaizer Chiefs le Cape Town Spurs Keagan Buchanan, se hapile dipapadi tsa ABC Motsepe National Playoffs.
Hope FC, e hlotse North West University [NWU] thahong ya mekoko ho fetela ho Motsepe Foundation Championship e le bahlodi.
Sehlopha sena senang le selemo se thehilwe, se bapetse sehla se leng seng fela ho ABC Motsepe lebatoweng la Western Cape moo e bileng bahlodi ho fetela dipapading tsa National Playoffs.
Hope, e setletse ka dibapadi tse jwalo ka Ruzaigh Gamildien ya dilemo di 37, Glayton Daniels ya dilemo di 41 le Graig Martin ya dilemo di 32.
BALA: Broos o tshwaela ka papadi kgahlano le Jamaica
Buchanan eo e leng monga sehlopha, o behile meja fatshe papading selemo se fitileng mme qeto eo ya tswala sehlopha seo ha jwale setla bapala ho Motsepe Foundation Championship sehleng setlang.
Le ha e hlotswe, NWU le yona e fumane monyetla wa ho fetela ho Motsepe Foundation jwalo ka ha ho fetela dihlopha tse pedi tse bapetseng ho makgaolakgang.
Ka bobedi dihlopha e tlaba karolo ya dihlopha tse lwanelang ho kena Betway Premiership mme batla fumana le monyetla wa ho bapala Nedbank Cup Playoffs.
