Hlungwani o ema le qeto ya moletsaphala papading ya Chiefs le Zamalek

Moletsaphala wa mehleng wa FIFA le PSL Victor Hlungwani o tsenkollotse seo Zamalek e dumelang e ne e le ntlha e totobetseng kgahlano le Kaizer Chiefs.

Zamalek, e hlahletse tletlebo ho CAF ka diqeto tsa moletsaphala Samuel Uykunda hore o ba jelletse ka kobong ka ntlha eo a tshwaileng sebapadi sa bona phoso pele a e hlaba kgahlano le Chiefs mafelo a beke a fitileng.

Sehlopha sena sa Egypt se bapetse maleka a 1 – 1 le Chiefs mme ka mora moo ke ha ba hlahlela tletlebo ho CAF ka diqeto tsa moletsaphala Uykunda.

Lenaneong la bona la ho qhaqholla dipapadi tse fitileng, Hlungwani o hlalositse le ho bontsha ha Uykunda a nkile qeto e nepahetseng ka ho hanela Zamalek ka ntlha ka ha sebapadi sa bona se suthumeditse sa Chiefs pele seka hlaba ntlha.

Hona le ho suthumetsa ho Miguel [sebapadi sa Chiefs] mme ha o suthumetsa ho tswa ka morao, o diya sebapadi mme seo ke phoso,” ho realo Hlungwani ho Soccerzone.

“Moletsaphala o ne a le haufinyana ha a letsa phala mme ke qeto e nepahetseng ka moletsaphala ho hlwaya phoso.”

Zamalek e tletlebile le ka tshebediso ya VAR hore e potlakiswe e leng seo Al Ahly le yona e latetseng ho lla ka sona.

Dihlopha tsena ditseka hore diqeto tsa baletsaphala ditshopodi le ho jella ka thoko menyetla e ka ba hlolelang dipapadi.

BALA HAPE Zamalek e hlahletse tletlebo ka moletsaphala ka mora papadi le Chiefs