Kaizer Chiefs e netefaditse ho arohana le Nasreddine Nabi

Sehlopha sa Kaizer Chiefs se netefaditse ha se arohane le mokwetlisi Nasreddine Nabi ka mora dipuisano tse nkileng nako e lelele.

Chiefs e netefaditse sena ka mora nako e ka etsang kgwedi Nabi e se karolo ya dipapadi tsa sehlopha ka mora hore dikamano didukehe dipakeng tsa sehlopha le mokwetlisi.

Sehlopha se ile sa netefaditse ha Nabi a tlaba ka thoko nakwana e le haho sekwasekwa bokamoso ka mora hore ho tlalehwe ha mangolo a Nabi a tlotswe ke nako.

Nabi, o fihlile sehlopha sa Chiefs sehleng se fitileng le moifo wa hae wa bokwetlisi hotlo thusa sehlopha ho kgutlela boemong ba sona le ho hapa mehope.

Nako ya letswallwa lena la Morocco le Belgium sehlopheng, ha yaba nako e bobebe jwalo ka ha a ne a leka ho aha sehlophang botjha.

Nabi o bapetse dipapadi tse 35, a hapa tse 12, a lahlehelwa ho tse 14 mme a bapala makela ho tse 9. Tlasa bokwetlisi ba Nabi, sehlopha se hlabile dintlha tse 39 mme sa hlajwa tse 42.

Le ha hole jwalo, Nabi le sehlopha sa hae, ba hapetse Chiefs mohope wa pele dilemong tse leshome mme a etsa nalane hoba e mong wa bakwetlisi ba mmalwa ho etsa seo ka sehla sa pele.

Tebello ke hore sehlopha setla tswelapele ho sebetsa ka batlatsi ba Nabi Cedric Kaze le Khalil Ben Youssef, bao ha jwale batla ikarabela ka kotloloho.

Bobedi bona botla tswa bosa tshwere marapo sehleng sena ho fihlela sehlopha se nka qeto ya moshwelella.

BALA HAPE: Kaizer Chiefs e kanna ya arohana le mokwetlisi Nabi