Khan: Chiefs e lokela ho ikaha ka mora ho tsamaya ha Nabi
Mohlophuli e bile e le mokwetlisi wa ntshetso pele Farouk Khan, o hlalositse ha a tshepa Kaizer Chiefs e tla iphumana ka mora ho arohana le mokwetlisi Nasreddine Nabi.
Khan o dumela Chiefs e ne e lahlehetswe ke seo a reng ke papadi eo sehlopha se tsejwang ka yona tlasa mokwetlisi Nabi (football identity).
Chiefs e arohane le Nabi semmuso beke e fitileng le ho kgetha batlatsi ba hae ho tshwara mokobobo sehlopheng mme puisanong le KickOff, Khan o hlalositse ha seo se sa makatsa.
“Re ntse re sa tsebe o tsamaetseng, ho leptjwa ntho tse ngata. Sehla seo a bileng le sona e bile mathata, le ha a hapile mohope [Nedbank Cup] ho sebe dihlopheng tse robedi tse ka hodimo ha wa lenaka ho Chiefs,” ho realo Khan.
Khan o hlalositse ha a dumela sehlopha se sa etsa phoso ka ho arohana le Nabi ho ya ka maemo a ditaba mme o batla a sa tsebe e bang qeto ya ho tshwarisa Cedric Kaze le Khalil Ben Youssef mokobobo ke e nepahetseng.
Ka lehlakoreng le leng, nkase sole sehlopha ho arohana le mokwetlisi haholo tlasa maemo ana. Tabeng ya ho nyolla batlatsa mokwetlisi [Kaze le Khalil] ho se hotla bonwa ha mmela o putha (ha nako e ntse e tsamaya).
Le ha hole jwalo, Khan o qollotse ntlha ya hose hlolwe ha Kaze le Khalil ka nako eo Nabi a ntse le lapeng ka hore mohlomong hase qeto e fosahetseng ho bafa monyetla.
Mokwetlisi enwa wa Chiefs o hlalositse ha matha a Chiefs a le mangata tabeng ya bokwetlisi mme sehlopha se lokela ho a rarola.
“Chiefs e lokela ho ho kgutlisa setso sa bona sa papadi, batho ba lebeletse seo, haholo ka mora ho tekena dibapadi le diphetoho bokwetlisi.”
“Hane ke kwetlisa Chiefs le Muhsin Ertuğral, re ne re tseba hore hase ka papadi e ntle empa ke ka ho utlwisisa moetlo le tsela ya ho etsa dintho.”
