Makejakejane a Morroco a leba makgaolakgang Chile

Sehlopha sa Morroco sa bahlankana ba dilemo dika tlase ho 20 (U20), se entse nalane ka mora ho hlola naha ya France le ho ipehela sebaka dipapading tsa makgaolakgang.

Morroco, e hlotse France thahong ya mekoko (5 – 4) papading e tlang pele ho makgaolakgang semi-final) ka mora papadi e bileng e fedile ka ntlha sehlopheng (1 – 1) pele e ka leba thahong ya mekoko.

‘The Atlas’ ke se seng sa dihlopha tse e ileng mohopeng wa lefatshe ka mahlahahlaha le kgothalo e kgolo ka mora ho fihlela ho makgaolakgang a mohope wa AFCON le ha bahlotswe ke Afrika Boroa.

Morroco e bapetse dipapadi tse tsheletseng, ya hlola tse hlano le ho lahlehelwa papading e le nngwe kgahlano naha ya Mexico.

Sehlopha sena se etsa nalane le ho kena palong ya dihlopha tse pedi tsa Afrika (Nigeria le Ghana) ho leba ho makgaolakgang a dipapadi tsa FIFA U20.

Bahlankana bana, ba buseditse molamu sefateng le ho lwanela sehlopha se seholo se ileng sa lahlehelwa kgahlano le France mohopeng wa lefatshe o fitileng hona dipapading tse tlang pele ho makgaolakgang.

Morroco, e tla nkana le naha ya Argentina papading ya makgaolakgang e tla bapala kala 20 Mphalane. Papadi ena etla bapala ka 01:00 ka nako ya kwano Afrika Boroa.

BALA HAPE: Mdaka o tswa puo ka mohope wa lefatshe Chile