Mathata a Orlando Pirates a hlwa matsatsa
Sehlopha sa Orlando Pirates se se lahlehetswe ke papadi tse pedi ka tatelano sehleng sena. Bobedi papadi tsena, ke papadi tse neng di thakgola sehla sa 2025/2026.
Papading ya pele, Pirates e ne e amohetse Sekhukhune United lebaleng la Orlando ha Sekhukhune e tla hlola Pirates ka ntlha e lengwe ho noto (1 – 0).
Papading ya bobedi teng, ke moo Pirates e neng e etetse Marumo Gallants lebaleng la Dr Molemela, Bloemfontein. Papading ena Pirates e hlotswe ka ntlha tse pedi ho e lengwe (2 – 1).
Pirates e qadile sehla le mokwetlisi ya motjha Abdeslam Ouaddou ya bonahala e sokola ho tshwara morethetho wa sehla se fitileng wa sehlopha.
Mokwetlisi enwa ya seng a kile a kwetlisa Marumo Gallants, o bonahala a fetola sehlopha kgafetsakgafetsa mme seo se bonahala se thatafatsa mosebetsi wa hae.
Ka mora papadi kgahlano le Gallants, Ouaddou o hlalositse ha batla kgutla sekwele ka moqebelo.
“Ho jwalo, relo tsenkola papadi ho sheba sebileng phoso, haholo karolong ya bobedi ya papadi. Re lekile ho tlisa diphetoho,” ho realo Ouaddou.
“Ka bomadimabe diphetoho ha diya sebetse jwalo ka tebello. Ka mahlabisa ditlhong a maholo, empa re lo e dulela majwana.”
Pirates e bonahala e tjametswe ke moepa hobane ka moqebelo e tla teyanya thebe le Mamelodi Sundowns leotong la pele la tse nnene (quarterfinal) tsa MTN8.
Pirates e tla amohela Sundowns ka moqebelo lebaleng le tlabe le tletse balatedi la Orlando. Papadi ena e tla thakgoha horeng ya boraro thapama.
BALA HAPE: marumo-gallants-e-makatsa-orlando-pirates
