Pirates e fetela ho makgaolakgang a Carling Knockout
Sehlopha sa Orlando Pirates, se fetetseng dipapading tsa makgaolakgang a Carling Knockout ka mora ho hlola Richards Bay ka ntlha ho noto (1 – 0).
Pirates e ne e etetse Richards Bay lebaleng la Moses Mabhida e le papadi ya pele e tlang pele ho makgaolakgang (semi-final).
‘The Buccaneers’ e qadile papadi ka sefuto le ho etsa menyetla ya ho hlaba dintlha le ha ba sa sebedisa menyetla.
Oswin Appollis, o bone Tshepang Moremi a le hole mme a romela bolo e lelele eo Moremi a e sebeditseng le ho hlabela Pirates ntlha.
Papadi e lebile le ho kgutla kgefutsong Pirates e eteletse pele mme ntlha ya Moremi, e bile yona phapang dipakeng tsa Pirates le ‘Natal Rich Boys’.
Sebapadi sa Pirates Mbekezeli Mbokazi, e bile yena sebapadi sa letsatsi ka mora mosebetsi o matla oo yena le dibapadi mmo di o entseng.
Mokwetlisi wa Pirates Abdeslam Ouaddou, o matha mehlaleng ya mokwetlisi wa mehleng wa Tse Ntsho’ José Riveiro ya ho leba ho makgaolakgang a mabedi ka sehla sa hae sa pele.
Ouaddou, o se a hapile mohope wa MTN8 jwalo ka mokwetlisi wa Pirates mme o tla emela ho tseba sehlopha seo a tla kopana le yena dipakeng tsa Marumo Gallants le Golden Arrows.
Bala tse ding ka Pirates:
Ouaddou o hlalosa ho fetoha kgafetsa ha dibapadi tse qala papadi
