Moremi o kena dieteng tsa Maboe sehlopheng sa naha

Sebapadi sa Orlando Pirates Tshepang Moremi, o bitsetswa sehlopheng sa naha ho kwala sekgeo sa Lebohang Maboe ya lemetseng.

Phetoho ena etla ka mora hore dingaka tsa sehlopha sa naha dilekole boemo ba Maboe pele ho qeto ya ho fetola le ho kenya sebapadi se seng dieteng tsa hae.

Maboe o lemetse papading ya Chiefs ya mafelo a beke moo a nonyetsehileng leqaqailana [twisted ankle].

BALA: Ouaddou o ngola nalane e ntjha dibukeng tsa Pirates le PSL

“Maboe o nonyetsehile leqaqailana ka nako eo a neng a bapalang Chiefs mme o lekotswe pele ho qeto ya ho motlosa kampong,” ho realo Dr Tshepo Molobi.

Sebapadi sena se fetwa ke monyetla wa ho emela naha ka mora ho fetwa ke monyetla ona dilemo tse hlano kaofela.

Afrika Borwa e tla bapala papadi ya pele ya tse tharo ka moqebelo kgahlano le naha ya Guinea lebaleng la Amstel Arena.

BALA: Sundowns e kena dipuisanong tsa tumellano ya karohano le Kodisang