Pirates e fapanyetsana le Stellies ka sebapadi ho fumana tse pedi

Sehlopha se ikatellang ho tshireletsa mehope ya bona ho Betway Premiership sa Orlando Pirates, se kene phapanyetsanong ya dibapadi le Stellenbosch.

Pirates e lokollotse Kabelo Dlamini ho leba ho Stellenbosch moo bona ba fumaneng dibapadi tse pedi e leng Dublin Boon le Faiz Abrahams.

Dlamini o bile le Pirates dihla tse tsheletseng kaofela moo e bileng karolo ya sehlopha se hapileng mehope e mmalwa.

BALA: Da Cruz o tla sebetsa le moifo wa hae wa bokwetlisi

Metsotso ya papadi e bile leqeme ho Dlamini sehleng se fitileng le ha sehlopha se ile sa hlalosa ha se ke ke sa lokolla Dlamini sehlopheng.

Sebapadi sena sa bohareng ba lebala, ke sebapadi sa bobedi sa ho lokollwa ke Pirates mme se leba ho Stellenbosch ka mora hore Thabiso Lebitso e be yena wa pele.

Pirates e bonahalang e le matjato ho tekena, e tekenne Siyanda Ndlovu wa Golden Arrows le Neo Rapoo wa Siwelele hara tse ding tsa dibapadi.

BALA: Kotlo ya sebapadi sa Bafana Bafana e atoloswa ka dipapadi tse pedi