Nam Dinh FC ya Vietnam e tekena Percy Tau

Sebapadi sa mehleng sa Brighton & Hove Albion F.C. le Al Ahly, se tekene le sehlopha sa Nam Định FC (Thép Xanh Nam Định) ya Vietnam.

Percy ‘Muzi’ Tau o leba Vietnam ka mora ho arohana le sehlopha sa Qatar SC seo a neng a le ho sona ka kadimo hotswa ho Al Ahly le ho tekena bakeng sa dikgwedi.

Tau o se a bapalletse dihlopha tse jwalo ka Brighton ya England, Anderlecht le Club Brugge tsa Belgium ka kadimo, Al Ahly ya Egypt le Qatar SC ya Qatar.

Menyenyetsi e ile ya kuma ha Tau a batlwa ke Zamalek ya Egypt le Kaizer Chiefs, le ha taba ya ena e ile ya fela moyeng. Le leng la mabaka ho dumelwa e le boleng ba hae jwalo ka ha a tswa dihlopha tsa kantle.

Tau ya dilemo di 31, o ile a ba le puisano le Robert Marawa moo a ile a hlalosa ha a dumela a lokelwa ke mokgolo o tlohana ho R450 000 ka kgwedi ho ka dumela hoba karolo ya sehlopha.

Tau, o se a habile mohope e kabang 17 le dihlopha tseo a seng a dibapaletse. Mohope ena e akga FIFA African-Asian-Pacific Cup Champion, Belgian Champion, CAF Super Cup tse pedi, CAF Champions League tse tharo, Egyptian Super Cup tse nne, le emeng.

Sebapadi sena sa mehleng sa Mamelodi Sundowns kesa bobedi sa Afrika Boroa ho leba Vietnam ka mora hore sebapadi sa mehleng sa Chiefs le St Louis City, Njabulo Blom a tekene pejana.

Tau le Blom ba tla kena palong ya dibapadi tse bitsang kapa tse boleng bo hodimo ka ho fitisisa leki ena e phahameng ya Vietnam.

Sehlopha sena sa Nah Định FC, ke bona ba hapileng sehla se fitileng mme tebello e tlaba hore Tau le Blom ba thusetse ho tshireletsa sekola.

BALA HAPE: lorch-ke-sebapadi-sa-wydad