FIFA e qhelela ka thoko kopo ya Afrika Boroa

Mokgatlo o tsamaisang bolo lefatsheng wa FIFA, o latotse kopo ya Afrika Boroa ya lekola karete e fumanweng ke Themba Zwane.

Zwane o fumane karete e kgubedu papading ya pele kgahlano le Mexico mme FIFA ya fana ka kotlo ya ho fetwa ke dipapadi tse tharo.

Mokgatlo o tsamaisang bolo Afrika Boroa SAFA, o hlahletse boipile ba hore kotlo eo e lokolwe le hore e fokotswe bohale empa FIFA e qeletse kopo eo ka thoko.

Bafana Bafana ba fetetse mokgahlelong o latelang wa dibapadi ka mora ho hlola South Korea ka 1 – 0 mme maikemisetso e ne e le ho fumana Zwane bakeng sa papadi e latelang.

Sehlopha setla nka leeto ho leba naheng ya Canada moo setla kopana le yona Canada mokgahlelong wa tse 32 tsa ho qetela.

Zwane o tla lokela ho emela papadi e latelang e bang Afrika Boroa e ka hlola Canada ka Sontaha.

BALA: Mosimane o babatsa masene le bohlale ba Broos ba ho hlola