Chiefs e ngangana le Pirates ka ntlha ntweng ya Soweto

Sehlopha se dutseng boemong ba boraro sa Kaizer Chiefs, se ngangane le se dutseng boemong ba pele sa Orlando Pirates ka 1 – 1 thapameng ya sontaha lebaleng la FNB.

Chiefs, e ne e etetse Pirates leotong la bobedi la Soweto Derby e neng e phophoma balatedi jwalo ka tlwaelo.

Papadi e qadile ka mora nako ka metsotso e 45 ka mora hore palo e hodimo ya batshehetsi e fihle morao ho nako le hoba kantle ho lebala ka nako eo papadi e neng e lokela ho qala.

BALA HAPE: Beaumelle o dumela batla hlolela Sundowns lapeng jwalo ka Al Ahly

Dintlha tsa papadi, dikeng karolong ya bobedi ka mora hore karolo ya pele e fele hose nko hotswa lemina mahlakore bobedi le ha menyetla e bile teng.

Pule Mmodi o hlabetse Chiefs ntlha motsotsong wa 67 ha Kamogelo Sebelebele a hlabetse Pirates ntlha ya ho lekanya.

Branden Petersen wa Chiefs, e bile yena sebapadi sa letsatsi ka mora ho thiba dibolo tse matla nakong eo Pirates e neng e tsoma dintlha.

Pirates e tla tswa e dutse boemong ba pele ka dintlha tse 59 ka mora dipapadi tse 26 ha Chiefs e dutse boemong ba boraro ka dintlha tse 47 ka mora dipapadi tse 25.

BALA HAPE: Sebapadi sa Chiefs se olla dikgau tsa sebapadi sa letsatsi