Sebapadi sa Chiefs se fumana le hae le letjha naheng ya Azerbaijan

Sebapadi sa ntshetso pele ya Kaizer Chiefs Aden McCarthy, o fumana le hae le letjha sehlopheng sa Sabah FK naheng ya Azerbaijan.

Ho ya ka Lorenz Kohler, McCarthy o fihleletse tumellano ya dilemo tse pedi le monyetla wa ho atolosa ka selemo le sehlopha sena se hapile sehla se fitileng sa dipapadi.

McCarthy ke se seng sa dibapadi tsa Chiefs tse bapetseng karolo e kgolo ho thuseng sehlopha ho qeta se dutse boemong ba boraro le hoba le monyetla wa ho bapala CAF Confederation sehleng setlang.

BALA: Boitukiso ba Di’Proteas bo motjheng bakeng sa mohope wa lefatshe

Le ha hole jwalo, McCarthy yena o tla bapala mokgahlelo wa pele wa UEFA Champions League.

Sebapadi sena sa lebota la morao, ke sebapadi sa bobedi sa Chiefs ho leba naheng ya Azerbaijan, sehlopheng sa Sabah ka kotloloho ka mora hore Pule Ekstein le yena a tebuke sehlopheng sena.

Chiefs e tla lokela ho etsa mawala a mang ho kwala sekgeo sa McCarthy eo ha jwale a tla arolelana lebala le mabitso a maholo papading ya bolo lefatsheng.