Sethibathibane sa mehleng sa Chiefs se ngongorehiswa ke papadi e monyebe
Sethibathibane sa mehleng sa Kaizer Chiefs Itumeleng Khune o bontshitse ha a sa kgotsofatswa ke tsela eo sehlopha se bapetseng ka yons.
Chiefs e hlotse sehlopha sa Scottland FC ka 1 – 0 papading ya setswalle ya mohope wa TOYOTA ka sontaha.
Ntlha ya Chiefs e kene ka lekejakejane Mfundo Vilakazi eo mokwetlisi a hlalositseng a batla ho mofetola sebapadi se hlwahlwa sehleng se tlang sa dipapadi.
Khune, o hlalositse ha sehlopha se bapetseng ka monyebe le ho hatellwa ke Scottland le ha e le bona ba hlotseng papadi.
“Sehlopha se hlotswe ke ho laola papadi mme Scottland ke sona se bileng le taolo e kgolo ya papadi,” ho realo Khune.
“Sehlopha se dutse se rahela dibolo pele le ha meralo ya mokwetlisi e le ho bapalla bolo fatshe empa ba hlotswe ke seo.”
Chiefs e ne e qala ho hapa mohope ona dilemong tse tharo o thakgotswe empa Khune o hlaile tse ding tsa dintho ho papading ena.
“Mokwetlisi o hlotswe ke ho fa dibapadi tse ntjha monyetla wa ho bapala le ha e kaba metsotso e mmalwa ho itshupa papading ena ya setswalle.”
Sehla sa dipapadi se setse ka matsatsi pele se thakgoha mme Chiefs e tobane le mosebetsi o moholo wa ho bapala hantle ho feta sehleng se fitileng.
BALA: Orlando Pirates e tekena sebapadi sa matjhabatjhaba sa Norway
