Sheppard o babatsa tshebetso ya Leaner papading ya hae ya pele

Motlatsa mokwetlisi wa Kaizer Chiefs Dillon Sheppard, o babaditse sethibathibane sa sehlopha Renaldo Leaner ka tshebetso ya hae.

Mantswe a Sheppard a tla ka mora hore Leaner a bapalla papadi ya hae ya pele ya semmuso moo a qetileng papadi a sa hlajwa ntlha.

Ho bapala ha Leaner ho tlile ka mora hore Brandon Petersen a fumane kotsi boikwetliso e qobelletseng sehlopha ho etsa diphetoho.

Sheppard o hlalositse ha tshebetso ya Leaner e thusitse sehlopha le ha papadi e fedile ka maleka a 0 – 0.

“Boetapele ba hae dipalong le ho thiba dibolong tse neng dile kotsi ho thusitse hore rebe papading,” ho realo Sheppard.

“Ke thabetse tshebetso ya hae e tlang le boitshepo bo bonahetseng ka nako ya papadi. Ke ntho e ntle eo.”

Leaner o lebile Naturena a tswa ho Sekhukhune ka mora karohano e makaditseng moo mahlakore a hlokileng ho utlwana ka puo.

Ha jwale sehlopha sena le dithibathibane tse nne le ha Takalani a bapalla sehlopha sa ntshetso pele.

Chiefs jwalo ka dihlopha tse ding, e tla kgefutsa bakeng sa dibeke tse tharo ka nako ya FIFA mme batla kgutlela kgabong ka la 17 haba tobanale Stellenbosch sa Gavin Hunt.

BALA: Mokwetlisi wa Gallants o tletleba ka boitshwaro ba sebapadi