Sundowns e kena e matha lebelo papading ya makgaolakgang a Champions League
Sehlopha sa Afrika Boroa sa Mamelodi Sundowns, se kena se matha lebelo papading ya makgaolakgang a CAF Champions League ka mora ho hlola kemedi ya naha ya Tunisia lebaleng la Loftus Verfield thapameng ya moqebelo.
Sundowns, e hlotse Esperance Sportive de Tunis ka palo hare ya [aggregate] 2 – 0 ka mora ho hlopa papadi ya leoto la pele ka 1 – 0 le ho hlola leoto la bobedi ka 1 – 0.
Ntlha ya Sundowns, e kene ka Brayan Leon e kgutla ho sethibathibane ka mora hore a fumane thaho ya mokoko le ho hlolwa ke ho e hlaba ka kotloloho.
Tlholo ya Sundowns e ba lebisa ho makgaolakgang a bone nalaneng ya sehlopha e bile e le a bobedi ka tatellano ka mora ho fihla ho le ho hlolwa ke Pyramid ya Egypt sehleng se fitileng.
Mokwetlisi wa sehlopha Miguel Cardoso, o tla leba ho makgaolakgang a hae a boraro ka tatellano ka mora ho leba le Esperance a hlotse Sundowns mme a hlolwa ke ho hapa pele a leba ho Sundowns moo le teng a hlotsweng ke ho hapa.
Sundowns e tla emela ho tseba hore etla tobana le mang dipakeng tsa RS Berkane le AS FAR tse tla mathisane sa tweba le katsi ka 21:00 bosiung ba kajeno.
BALA HAPE:
