Broos o emela sebapadi sa hae setla fetwa ke papadi e mahlonoko
Mokwetlisi wa Bafana Bafana Hugo Broos, o tshireleditse sebapadi sa hae setla fetwa ke papadi e mahlonoko ya ho qetela.
Mantswe a Broos a tla ka mora hore Teboho Mokoena ya hlabetseng Afrika Boroa ntlha kgahlano le Czechia, a bone karete ya bobedi e kgubedi.
Mokoena o bone karete ya pele kgahlano le Mexico mme ya bobedi eo ae fumaneng, e hlalosa hore o tla fetwa ke papadi e latelang ya sehlopha.
Ha ema le sebapadi sa hae, Broos o hlalositse ha e le bomadimabe hore Mokoena o bone karete tse pedi tse kgubedu.
“Ke bomadimabe hore re fumane dikarete tse pedi tse tshehla. Papading tsa mantshano, hao fumana dikarete jwalo, o lokela ho lefa,” ho realo Broos.
Bafana Bafana ke sona sehlopha se boneng dikarete tse ngata ka ho fitisisa ho kenyeletsa dikarete tse pedi tse kgubedu.
Broos, o dumetse hore bothata bo teng sehlopheng ho latela palo ya dikarete mme bo lokela ho rarolwa ka pele.
“Dibapadi tse nang le bofokodi ke dibapadi tse matla sehlopheng. Bothata bo teng sehlopheng, ke bothata bo boholo mme bo lokela ho rarolwa.”
Mokoena o tlabe a dutse le Themba Zwane ya boneng karete e ditaba e kgubedu kantle ha Siphephelo Sithole a tlaba le monyetla wa ho bapala.
Broos o tswetse pele ka ho tshireletsa Mokoena ka hore ke sebapadi se setle le hore dikarete ke karolo ya papadi le ha ka nako e nngwe ho hlokahala hore dibapadi dilaole maikutlo.
BALA: Mofokeng o hlalosa mantswe a Broos pele a kena ka lebaleng
