Chicago Fire e tekena mohlabadintlha wa mantlha lefatsheng

Sehlopha sa Chicago Fire e bapallwang ke Mbekezeli Mbokazi, e netefaditse ho tekenwa ha sebapadi sa matjhabatjhaba sa Poland

Chicago Fire, e tsibisitse ha mohlabadintlha Robert Lewandowski, e tlaba karolo ya sehlopha ka mora dipapadi tsa mohope wa lefatshe.

Lewandowski ya neng a bapala sehlopheng sa Barcelona, ke e mong wa bahlabadintlha ba hlwahlwa nalaneng ya papadi ya bolo ka mora Lionel Messi le Cristiano Ronaldo.

Lewandowski ya dilemo di 37, o se a hlabile dintlha tse fetang 700 mme ke yena mohlabadintlha wa dinako tsohle naheng ya hae ya Poland.

Sebapadi sena sa mehleng sa Borussia Dortmund (2010–2014), Bayern Munich (2014–2022) le FC Barcelona (2022–2026) o tla bapala le Mbokazi wa Afrika Boroa e bang Mbokazi a ke ke a rekwa ke sehlopha se seng.

BALA: Broos o hlalosa ha World Cup e le hodimo haholo papisong le PSL