Di’Proteas ditlasa kgatello ka mora letsatsi la bobedi

Di’Proteas ditlasa kgatello ka mora letsatsi la bobediSehlopha sa naha sa Di’Proteas, se tlasa kgatello papading e ntseng e tswelapele ya teko kgahlano le naha ya India motsemoholo Kolkata.

Afrika Boroa, e kene makenong a yona a bobedi mme e dutse memathong e 93 ho tswile dibapadi tse 7 mme India e eteletse papadi pele ka mematho e 63 jwalo ka ha papadi e le letsatsing la bobedi.

Makenong a pele, Afrika Boroa e etse mematho e 159 ha India yona e kgone ho etsa 180 le ho nka ketapele.

Mohlwa wa lebale leo papadi e ntseng e bapalla ho lona, le batla lefa dibapadi tse otlang mathata mme seo se sebetsa bakeng sa dibapadi tse akgelang.

Simon Harmer (4) le Jasprit Bumrah (5) ba ketotse dibapadi tse robedi ka ho fapana jwalo ka ha mohlwa o dumetse dibapadi tse akgelang ho feta tse otlang.

Ha jwale papadi e kgefuditse bakeng sa letsatsi la bobedi mme e tla qala hape hosane horeng ka hora ya botshelela hoseng [06:00].

BALA HAPE: Di’Proteas diqala teko ya pele kgahlano le India