Durban City e tla emela Afrika Boroa tlhodisano ya CAF Confederation

Sehlopha se satswa nyollelwa ho Betway Premiership sa Durban City, setla emela Afrika Boroa dipapading tsa kontinente tsa CAF Confederation Cup sehleng se tlang.

Sena ka mora hore City e hlole TS Galaxy papading ya makgaolakgang a mohope wa Nedbank Cup.

City, e hlotse Galaxy ka 2 – 1 papading e bapalletseng lebaleng la New Peter Mokaba ka moqebelo.

Maritzburg United ya mehleng, e tlile e lelekisa papadi ka mora hore Galaxy e nke ketapele ka Jean Lwamba ya itlhabileng ka lerumo karolong ya pele ya papadi.

Phethoho ya Luphumlo ‘Kaka’ Sifumba, e fetotse papading le ho tlisetsa City botsitso.

Lekejakejane lena le thusitse dintlheng tse pedi tse hlajoweng ke Mfanafuthi Mkhize le Lwamba a lokisa phoso ya hae.

City e tla fumana monyetla wa yona wa pele nalaneng wa ho bapala dipapadi tsa kontinente jwalo ka ha mohlodi wa Nedbank a bapala CAF Confederation le sehlopha se tswileng borarong tafoleng ya dihlopha ya Betway Premiership.

Tebello ke ho bona hore sehlopha setla itlhophisa jwang bakeng sa dipapadi tsa mofuta ona jwalo ka ha bantse ba kwetliswa ke mokwetlisi wa nakwana.

BALA HAPE: Sundowns e bula sekgeo sa dintlha dipakeng tsa bona le Pirates