Durban e tsibisa mokwetlisi ho hlahlama Pitso Dladla

Sehlopha se hapileng mohope wa Nedbank Cup sa Durban City, se phatlaladitse mokwetlisi wa sona yatla tshwara marapo.

City, e tsibisitse Khalil Ben Youssef jwalo ka mokwetlisi wa bona ya motjha ka mora karohano ya bona le Pitso Dladla ya thusitseng sehlopha ho hapa mohope.

Phatlalatso ya Ben Youssef e tla ka mora dibeke tsa menyenyetsi ya hore letswalla lena la Tunisia le kene dipuisano le sehlopha bakeng sa ho tshwara marapo.

Ben Youssef, o kwetlisitse sehlopha sa Kaizer Chiefs ka thuso ya Cedric Kaze eo le yena a tla kwetlisa sehlopha sa Sekhukhune sehleng setla qala sa dipapadi.

BALA: Cape Town City e lebisa CR Belouizdad ho FIFA tabeng ya Mayo