Freese o dumela batla sebedisa bofokodi ba Chiefs ho hlola papadi
Mokwetlisi wa sehlopha se mathateng sa Magesi FC Allan Freese, o dumela ha sehlopha sa hae setla sebedisa bofokodi bo teng ba sehlopha seo batla kopana le sona sa Kaizer Chiefs.
Magesi e tla amohela Chiefs lebaleng la Peter Mokaba bosiung ba kajeno [15 Mmesa] mme Freese o dumela ha a tseba bofokodi ba Chiefs e leng setla mothusa ho fumana dintlha tse tharo.
“Ke papadi e kgolo bakeng sa sehlopha moo re batlang dintlha tse tharo. Maikemisetso ke ke ho fana ka sohle sa rona ho fumana dintlha tsohle,” ho realo Freese a buisana le KickOff.
“Ba hapile dipapadi tse 4 ka tatellano [Chiefs] empa jwalo ka rona, ba hloka ho lokisa papadi ya bona hore ba tseparele maemong ao baleng ho ona.”
Magedi e hapile papadi e le nngwe dipapading tse 15 tsa ho qetela tseo ba dibapetseng mme sehleng sena fela, sehlopha se hapile dipapadi tse tharo.
Magesi overall stats:
23 Matches
12 Loses
8 Draws
3 Wins
Lekgetlo la ho qetela Chief e kopana le Magesi, ke moo Chiefs e hapileng papadi ka 2 – 0.
Freese, o dumela ha dipapadi tse seng, ditshwana le dipapadi tsa mohope wa mantshano [knockout tournament] mme sehlopha sa hae setla lwana ya kgumamela ho phonyoha selepe sa ho bapala ho Motsepe Foundation sehleng se tlang.
BALA HAPE: Mokwetlisi wa Chiefs o baleha potso ya bokamoso ba hae sehlopheng
