Jessica Motaung o kena botsamaising ba FIFA

Setho sa tsamaiso e bile e le Marketing and Commercial Director ya Kaizer Chiefs Jessica Motaung, o kgethwa hoba karolo ya mokgatlo o tsamaisang bolo lefatsheng wa FIFA.

Motaung o kgethwa hoba setho sa botsamaisi (stakeholders committee) papading ya bolo ya banna dilemo tse pedi ka mora ho kgwethwa jwalo ka motlatsa wa mo’presidente wa pele ho African Clubs Association (ACA).

FIFA e hlalositse ha kgetho ena ya Motaung le ditho tse ding tse kgethoweng, e tlile ka mora mohato o matla wa ho fumana ditho tse tla thusa mokgatlo ho ntshetsa papadi ya bolo pele.

Mo’presidente wa FIFA Gianni Infantino, o hlalositse ha bakgethwa bana batla bapala karolo e kgolo ho hodisa bolo.

“Bakgethwa ba batjha batla etella pele diqeto tse matla tsa botsamaisi ka tshebediso mmoho le ditho tse ding tsa botsamaisi mme palo e ekeditsweng ya basadi botsamaising e tla tlisa tsebo e ikgethang,” ho realo Infantino.

FIFA e mehatong ya ho atolosa palo ya basadi botsamaising ba mokgatlo mme ho kgethwa ha Motaung ke bopaki ba seo.

BALA HAPE: Hilton Epstein o diha kahlolo nyeweng ya Velebayi le Baartman