Makgaolakgang a Varsity Football a leba Thabure

Sehlopha sa papading ya bolo sa University of the Free State (Kovsies), setla amohela baeti lebaleng la Shimla ka labone bosiu.

Kovsies, ba phunyeleditse ho leba papading ya makgaolakgang a Varsity Football ka mora ho hlola NWU thahong ya mekoko [0 (3 – 4) 0] papading e tlang pele ho makgaolakgang, le ho netefaditse ha makgaolakgang a tla leba lapeng.

Sehlopha sena se kwetliswang ke sebapadi sa mehleng sa Kaizer Chiefs Mokete Tsotetsi, se bile le sehla se tshopo le ha ba kgonne ho beheletsa sebaka dihlopheng tse nne tse ka hodimo.

Kovsies, ba bapetse dipapadi tse supile, ba lahlehelwa ke papadi tse pedi, ba hlolwa ho e le nngwe mme ba hapa dipapadi tse nne le ho qeta ba dutse boemong ba boraro ka ntlha tse 13 ka selataneng.

Hona sehleng sena, dibapadi tse pedi tsa sehlopha dihlahella dibapading tse tharo tse bileng le sehla se setle mme a le mong ho bobedi bona (Omphemetse Athibeng le Jerome Jansen) e kaba sebapadi sa selemo, e bang a fumana dikgetho tse hodimo.

Etsa kgetho: https://tinyurl.com/bdhkpzah

Bahlankana ba mokwetlisi Tsotetsi, batla tobana le teko e matla ha ba nkana le Tshwane University of Technology (TUT) e ba kgwatisitseng dipapading tsa tafole ka 2 – 1 hona lebaleng la Shimla ka la 18 Lwetse.

Papadi ena, e tla bapalla University of the Free State, lebaleng la Shimla. Yona e tla thakgoha ka 19:30 bosiu.

BALA HAPE: Siwelele se tsoha ka Marumo