Siwelele se tsoha ka Marumo

Sehlopha sa Siwelele FC se hlotse sa Marumo Gallants ka ntlha ho noto (1 – 0) papading ya dihlopha tsa le hae tsa Bloemfontein (Derby) lebaleng la Dr Rantlai Molemela.

Siwelele, se latswa tlholo lekgetlo la bobedi sehleng sena mme e le tlholo ya bona ya pele ka mora dipapadi tse supileng ba sa hape.

Ntlha ya Siwelele, e kene ka sebapadi sa mehleng sa Bloemfontein Celtic le Kaizer Chiefs Teboho Potsane, motsotsong wa 39 wa karolo ya pele ya papadi.

Tlholo ena, e fa Siwelele motsotswana wa ho hema le ho tloha boemong ba ho qetela jwalo ka ha ba nyolohela ho boemong ba 12 tafoleng ya dihlopha tsa Betway Premiership.

BALA HAPE: Siwelele FC se etsa diphetoho botsamaising

Hona papading ena, dibapadi tse pedi tsa Chiefs tse ileng ho Siwelele ka kadimo, Happy Mashiane le Samkelo Zwane, dibile le monyetla wa ho bapala jwalo ka ha ba qadile bankeng le ho kena karolong ya bobedi ya papadi.

Sebapadi sa mehleng sa Orlando Pirates Zakhele Lerato Lepasa, le yena o kene a tswa bankeng karolong ya bobedi ya papadi, ka mora ho tsibiswe ha sehlopha se motekene mahala (free transfer).

Siwelele se se bapetse dipapadi tse robong, sa lahlehelwa ke tse tsheletseng, sa bapala maleka papadi e le nngwe mme sa hapa papadi tse pedi. Ha jwale ba dutse boemong ba 12.

Papading tsa bona tse pedi tse latelang batla nkana le Orlando Pirates papading ya Carling Knockout ka la nne Mphalane le Kaizer Chiefs kala 12 Mphalene e le papadi ya Betway Premiership.

BALA HAPE: P Management e eletsa Siwelele ka ho kgaola dibapadi