MC Alger le Mamelodi Sundowns diarolelana ntlha leotong la pele
Sehlopha sa MC Alger se kwetliswang ke Rulani Mokwena, se baletse maleka a 0 – 0 le Mamelodi Sundowns papading ya leoto la pele dipapading tsa dihlotshwana Algeria.
Alger, e ne e amohetse Sundowns lebaleng la Ali Pointe e le papadi ya bobedi ya dihlopha tsena mme e le ya pele nalaneng ya tsona dithulana.
Sundowns, e qadile papadi e phahametse Alger le ho etse menyetla mekwallong ya Alger le ha ba sa sebeditsa menyetla eo.
Papadi e bile matla hoo moletsaphala a ile a lokela ho bontsha dibapadi tse mmalwa dikarete tse tshehla ka lebaka la meya e neng e phahame ya papadi.
Karolong ya bobedi ya papadi, Alger e bonahetse e le sefutho ho feta Sundowns le ho qeta boholo ba nako ka karolong ya Sundowns.
Alger, e bile le menyetla e ka ho dingwana ho Sundowns ya ho hapa papadi empa ba hlolwa ke ho e sebedisa.
Papading e fedile ka 0 – 0 e leng se behang Sundowns dintlheng tse nne ka mora dipapadi tse pedi, ha Alger e na le ntlha ka mora dipapadi tse pedi.
Dihlopha ditla tsepamisa maikutlo dipapading tsa selehae jwalo ka ha dipapading tsa CAF ditla kgefutsa bakeng sa AFCON.
Sundowns, e tla thulana le Siwelele pele ho kgefutso ya AFCON, ha Alger e tla nkana le CR Belouizdad.
BALA HAPE: Mokwena o hana ho fa papadi kgahlano le Sundowns matshwao
