McCarthy o bapala papadi ya pele sehlopheng sa Sabah

Sebapadi sa mehleng sa Kaizer Chiefs Aden McCarthy, o bapetse papadi ya hae ya pele sehlopheng sa hae se setjha.

Sabah FK, e bapetse kgahlano le TNS ya Wales papading ya ho phunyeletsa ho bapala ho UEFA Champions League.

Sehlopha se hapile papadi ena ka 2 – 0 e le leoto la pele mme McCarthy, o kene nakong e ekeditsweng ya moletsaphala e le lekgetlo la pele sebapadi sena se bapala sehlopheng sena.

Sebapadi sena sa ntshetso pele ya Chiefs se monyetleng o moholo wa ho bapala Champions League e bang sehlopha sa hae seka hapa dipapadi tse qalang tsa ho phunyeletsa.

BALA: Hossam Hassan o lla ka tshekamelo ya baletsaphala le VAR