Pirates e feta mohwalotso leotong la pele

Sehlopha sa Orlando Pirates se iphetetse bolatjha ka ntlha tse tharo ho noto (3 – 0) sehlopheng sa Lioli papading ya leoto la pele la CAF Champions League.

‘The Buccaneers’ bane ba amohetswe ke Lioli tsa Lesotho lebaleng la Toyota, Bloemfontein moo ba bureditseng Lioli ka ho hloka mohau.

Pirates e botshitse ho phahamela Lioli metsotsong e qalang ya papadi le ha bahlokile lehlohonolo la ho hlaba ntlha karolong ya pele ya papadi.

Papadi e ile kgefutsong hose sehlopha se hlabileng ntlha le ha Pirates e ne e botsha e le yona sehlopha se hlaselang le ho batla ntlha.

Karolong ya bobedi Pirates e tswelapele pele ho hlaselang mme motsotsong wa 54, Tshogofatso Mabasa a fumanela Pirates ntlha ya pele.

Mabasa o kgutlile sekele metsotsong e meraro ka mora ntlha ya pele ho hlaba ntlha ya hae ya bobedi le ho atolosa ketapele.

Metsotsong ya ho qetela ya papadi (90+3) Oswin Appollis ke ha a hlaba ntlha ya ho qetela ho roba dipelo tsa batshehetse ba Lioli.

Papadi e fedile Pirates e ihlomme pele ka ntlha tse tharo ho noto (3 – 0) ya Lioli mme batla kena papadi ya leoto la bobedi hose kgatello.

Leoto la bobedi letla bapalla lebaleng la Orlando ka la 27 Lwetse mme Pirates e tla kena moo ka ketapele ya ntlha tse tharo.

BALA HAPE: Mbekezeli Mbokazi hase karolo ya sehlopha sa Amajita