Pirates e tlabola Kruger United e mohatleng ka tse nne
Batshireletsi ba sekola sa Betway Premiership Orlando Pirates, e tlabotse ditlabotjha Kruger United ka dintlha tse nne ho noto [4 – 0].
Pirates e ne e etetse Kruger lebaleng la Mbombela moo e hlokileng mekgwa ya baeti ka ho feta mohwalotso sehlopheng sa lapeng.
Ghampani Lungu ya tswileng karolong ya pele ya papadi, o hlabetse Pirates ntlha motsotsong wa bone wa papadi pele a kenelwa ke Oswin Appollis ka lebaka la kotsi.
Papadi e lebile kgefutsong ka 1 – 0 mme karolong ya bobedi Pirates ya kgutla e lomme bebebe e sa mamele letho.
Boitumelo Radiopane ya tsohileng molota, o hlabile ntlha ya bobedi ya sehlopha e bile e le ya hae ya bobedi sehleng sena.
Yanela Mbuthuma ya fitileng ditshehollong le yena o arabetse ka dintlha tse pedi ho tiisa taba ya dintlha tse nne bskeng sa baeti.
Mbuthuma ya keneng karolong ya bobedi ya papadi a kenela Radiopane, e bile yena sebapadi sa letsatsi ka mora kabelo ya hae.
Kruger, e dutse mohatleng ka ntlha e le nngwe ka mora dipapadi tse hlano tseo baseng ba dibapetse.
