Siviwe Magidigidi o nyamella sehlopha

Sebapadi sa mehleng sa Siwelele FC seo ha jwale e leng sebapadi sa K Beerschot VA ya Belgium, se nyamella sehlopha ka mora ho fuwa matsatsi a phomolo.

Ho ya ka Farpost, Siviwe Magidigidi o fuwe matsatsi a phomolo mathwasong a kgwedi ya motsheanong hoba le lelapa bakeng sa mokete o ikgethang.

Le ha hole jwalo, sebapadi sena se hlotswe ke ho iponahatsa sehlopheng le ha matsatsi ao a fihlile pheletsong e leng se tlisang dipotso ka bokamoso ba hae.

Magidigidi o lebile Belgium hotswa ho Siwelele moo a rekilweng ka tjhelete e balwang ho R7 million.

Sebapadi sena se tekenne tumellano ya dilemo tse tharo mme ke hona a nang le dikgwedi tse tsheletseng a le sehlopheng.

Ho utlwahala ha sebapadi sena se sokola ho tlwaela makgulo le metsotso ya ho bapala e leng bothatha moo a seng a bapetse dipapadi tse tsheletseng fela.

BALA: Sehlopha se qala ka boikwetliso ntle le ditho tse ding