Stellies se hana ka molala le ho kgutlisetsa tshepo ho Pirates

Sehlopha sa tlasetlase merareng ya Winelands, se lwanne ya kgumamela ho kgutlela lapeng ka ntlha papading e bapalletseng lebaleng la Loftus Versfeld.

Stellenbosch, sene se etetse Mamelodi Sundowns bosiung ba laboraro moo dihlopha ditshabaneng bophatswa ka 1 – 1 papading e tla baka dipuo dihana ho fela.

Sundowns, e kene papading ena e kgothetse ka mora ho fetela ho makgaolakgang a CAF Champions League le nalane e ntle ya ditlholo lapeng.

Le ha hole jwalo Stellenbosch, se qhadile hlenhlenyane ka ntlha metsotsong ya ho qetela ya papading.

Sundowns e hlabile ntlha karolong ya pele ya papadi ka Tsiki Ntsabeleng ha ntlha ya Stellenbosch e kene karolong ya bobedi ya papadi ka Tshegofatso Mabasa ka mora thaho ya mokoko (rebound).

Stellenbosch, se robile ketane ya dipapadi tse 10 tseo Sundowns e dibapetseng ka katleho ya ho dihlola le ketane ya ho hlola dipapadi tse 5 ka tatellano lapeng.

Lekgetlo la ho qetela Sundowns e bapala maleka, ke ka kgwedi ya Hlakola kgahlano le Siwelele mme lekgetlong la jo qetela e bapala maleka lapeng ke ka Pudungwana kgahlano le Orlando Pirates.

Pheletso ya papadi ena e kgutlisa tshepo sehlopheng sa Orlando Pirates e ka hodimo ho Sundowns le ha e le pele ka papading le ntlha e le nngwe.

Sundowns e tla dula boemong ba bobedi ka dintlha tse 57 ka mora dipapadi tse 24 mme ba morao ho Pirates ka ntlha le papading.

Bobedi dihlopha tsena di lwanela maemo a pele le mohope wa Betway Premiership le ha tshepo ya Pirates e ne e fokola pele ho papadi ena.

BALA HAPE: Gavin Hunt o hloka tshepo sehlopheng sa hae