Sundowns e amohela mokwetlisi wa Richards Bay ka thupa

Sehlopha sa Mamelodi Sundowns, se amohetse mokwetlisi ya motjha wa Richards Bay ka dipaputla.

Sundowns, e hlotse Richards Bay ka 4 – 1 papading eo ho yona ba neng ba etetse KwaZulu-Natal lebaleng la Umhlathuze.

Richards Bay e qeta ho hlwaya mokwetlisi ya motjha Dimitar Nikolaev Pantev ya sa dulang bankeng ka lebaka la mangolo a ho kwetlisa.

Sundowns e kene papading ena matsatsi a mabedi ka mora ho hapa mohope wa MTN8 mme ba kena ka mafolofolo a makatsang.

BALA: Da Cruz ka Mosimane: O lokela ho fuwa nako

Dintlha tsa Sundowns, dikene ka Iqraam Rayners ya hlabileng tse pedi, Tashreeq Matthews le Fawaaz Basadien.

Ntlha ya Richards Bay, e kene Lwandile Sandile Mabuya karolong ya pele ya papadi.

Sundowns e ntse e dutse ka hodimo tafoleng ya dihlopha moo e siyang Orlando Pirates e bobedi ka ntlha le papadi.

BALA: Sabah ya McCarthy e hapa papadi ya pele ya UCL League Phase