Vilakazi o re Ntwari o pholositse sehlopha
Moqhaqhulli wa papadi ya bolo Benedict Tso Vilakazi, o re sethibathibane sa Kaizer Chiefs Fiacre Ntwari, o thusitse sehlopha.
Ntwari o ile hana hotswa ka lebaleng ha Chiefs e ne e bapala le sehlopha sa Stellenbosch metsotso pele ho thaho ya mekoko.
Bokwetlisi ba Chiefs bo lekile ho ntsha Ntwari empa a hana le ho tswelapele moo a thibileng mokoko o le mong le ha sehlopha se hlotswe papading eo.
Vilakazi o hlalositse ha Ntwari a ne a tseba hore sehlopha se qetile palo ya diphetoho mme seka se kgone ho etsa phetoho engwe hapa mme le dibapadi di lekile ho qhwawa bokwetlisi ka seo.
“Ba dumetse ha baka kgona ho etsa diphetoho tse pedi le ha hone ho setse e le nngwe ka nako e ekeditsweng,” ho realo Vilakazi.
“Ba lebetse hore molawana o re monyetla wa diphetoho tse hlano o fella ka nako ya semmuso ya papadi, ha o fetele nakong e ekeditsweng.”
Vilakazi o tsitlaletse hore Ntwari ha hana hotswa empa o thusitse sehlopha le ho pata bohlaswa ba sehlopha sa bokwetlisi ho seo ba bonahetseng basa se utlwisisi.
“Ka nako e ekeditsweng, ona le monyetla wa ho kenya sebapadi sele seng mme Ntwari o ne a se phoso. Phoso ke ya bokwetlisi ka ho leka ho kenya dibapadi tse pedi.
“E bang o kenya dibapadi tse tharo ka nako ya semmuso ya papadi, monyetla wa tse pedi tseo o sa dietsang, e fela le nako ya semmuso.”
