Bafana Bafana ba hlolwa lekgetlo la pele tlasa Broos

Sehlopha sa naha sa Bafana Bafana, se hlabile ka lenaka fatshe ka mora ho hlolwa ka 2 – 1 ke naha ya Panama papading ya bobedi ya setswalle.

Afrika Boroa, e kene papading ena ka rekoto e hlakileng ya hose lahlehelwa lapeng tlasa botsamaisi ba Hugo Broos mme e tswile papading seo se fetohile.

Broos o entse diphetoho tse mmalwa sehlopheng se qadileng papadi ya pele moo Mbekezeli Mbokazi, Relebohile Mofokeng le Bonginkuhle Hlungwane ba qadileng le papadi.

Ka bobedi dihlopha diqadile papadi ka sekgahla se hodimo le ha Panama e ne e phahametse Africa Boroa pele masole a Broos a iphumana le ho laola papadi.

Papadi e lebile kgefutsong ka 0 – 0 mme karolong ya bobedi ke ha Afrika Boroa e etsa phetoho le ho kenya Renaldo Leaner bakeng sa Ronwen Williams.

Dihlopha dinkane jwalo ho fihla motsotsong wa 58 moo Panama e fumaneng ntlha ya ho nka ketapela ke ha seo se sa tumana nako e kae.

Afrika Boroa, e entse diphetoho tse tharo tse potlakileng e le ha ho kena Oswin Appollis, Themba Zwane, le Thapelo Maseko ba keneng ka diphetho le mahlahahlaha.

Ntlha ya Afrika Boroa, e kene ka Mbokazi ya rahileng makatolle ka mora ho fumana bolo hotswa ho Zwane.

Tlholo ena, ke ya pele ya Panama kgahlano le Afrika Boroa ka mora hore dihlopha dikopane dilemong tse fitileng le ha Panama e ile ya hapa thahong ya mekoko.

BALA HAPE: Mokwetlisi wa Panama ha kgelle Afrika Boroa fatshe