Barker, Davids le Mokwena ba hapa dipapadi ka ho fapana
Bakwetlisi ba Afrika Boroa ba kwetlisang dinaheng tse kantle, ba sebeditse ka bokgabane mafelong a fitileng a beke ka dihlopheng tsa bona ho fapana.
Boraro bona, bo lelekisa ho hapa sehla dinaheng tse tharo tse fapaneng le ha pedi borarong, e dutse boemong ba bobedi ha a le mong a ha monate ka hodimo.
Simba SC e kwetliswang Steve Barker hapile papadi ka 3 – 0 kgahlano le Mlandege papading ya mohope wa Muugano Cup. Tlholo ena keya Barker ya bohlano ka tatellano mme Neo Maema e bile yena sebapadi sa letsatsi.
Simba league stats:
19 matches
12 wins
6 draws
1 lose
42 points
Raja Club Athletic ya Fadlu Davids, le yona e bile le mafelo a beke a monate ka mora ho feta mohwalotso ho FUS Rabat ka 4 – 1 e bile e le tlholo ya boraro ka tatellano dipapading tse hlano moo ba hapileng tse nne le ho bapala maleka papading e le nngwe.
Davids le sehlopha, ba bapetse dipapadi tse 16 moo ba hapileng tse 9, ba bapala maleka dipapading tse 6 le ho lahlehelwa papading e le nngwe. sehlopha se dutse boemong ba bobeding ka dintlha tse 33.
Raja league stats:
16 matches
9 wins
7 draws
1 lose
33 points
Ka lehlakoreng le leng, Rulani Mokwena ya kwetlisiang Al-Ittihad SC o phethetse mokgahlelo wa pele wa dipapadi ka noto e hodimo ka mora ho hlola Ittihad Gharyan ka 2 – 0. Mokwena le sehlopha sa hae ke bona fela baso hlolwe sehlotswaneng sa 2 ka mora dipapading tse 16.
Al-Ittihad SC:
16 matches
3 draws
0 loses
39 points
Sehlopha setla leba dipapading tsa mantshano (Champions Playoffs) ho fumana mohlodi wa sehla se hodimo sa dipapadi naheng ya Libya.
BALA HAPE: Baroka e rengwa ke selepe se lebisang ho ABC Motsepe League
